Breaking NewsElectionIndiaPolitics

କେନ୍ଦ୍ରରେ ସରକାର ଗଢ଼ିବା ପାଇଁ ନବୀନ ପଟ୍ଟନାୟକଙ୍କ ସହ କଥା ହେଲା କଂଗ୍ରେସ!

ନୂଆଦିଲ୍ଲୀ: କେନ୍ଦ୍ରରେ ସରକାର ଗଢ଼ିବା ପାଇଁ କଂଗ୍ରେସ ଓଡ଼଼ିଶା ମୁଖ୍ୟମନ୍ତ୍ରୀ ତଥା ବିଜୁ ଜନତା ଦଳର ସୁପ୍ରିମୋ ନବୀନ ପଟ୍ଟନାୟକଙ୍କ ସହ ନିର୍ବାଚନ ପରବର୍ତ୍ତୀ ମେଣ୍ଟ ନେଇ କଥା ହୋଇଥିବା ସୂଚନା ମିଳିଛି। ମଧ୍ୟପ୍ରଦେଶ ମୁଖ୍ୟମନ୍ତ୍ରୀ କମଲନାଥଙ୍କ ମାଧ୍ୟମରେ କଂଗ୍ରେସର କେନ୍ଦ୍ରୀୟ ନେତୃବର୍ଗ ଏହି କଥାବାର୍ତ୍ତା କରିଥିବା ଖବର ସରବରାହ ସଂସ୍ଥା ଆଇଏଏନସ୍‌ ପ୍ରକାଶ କରିଛି। ସେହିଭଳି ତେଲେଙ୍ଗାନାର ଟିଆରଏସ୍‌, ଆନ୍ଧ୍ରପ୍ରଦେଶର ଓ୍ୱାଇଏସ୍ଆ‌ର୍‌ କଂଗ୍ରେସ ସହ ମଧ୍ୟ କଂଗ୍ରେସ ଔପଚାରିକ ଭାବେ ନିର୍ବାଚନ ପରବର୍ତ୍ତୀ ମେଣ୍ଟ ନେଇ ଆଲୋଚନା କରିଥିବା ଜଣାପଡ଼ିଛି।

କଂଗ୍ରେସ ମୋଟ ଲୋକସଭା ଆସନରୁ ଚଳିତଥର ୧୫୦ଟି ଆସନ ଜିତିବ ବୋଲି ଦାବି କରୁଛି। ଯାହାକି ମ୍ୟାଜିକ ନମ୍ବରଠୁ ୧୦୦ରୁ ଅଧିକ ଆସନ ଦୂରରେ ରହିବ। ହେଲେ ଏବେ ଦଳ ବିଭିନ୍ନ ଆଞ୍ଚଳିକ ଦଳକୁ ୟୁପିଏରେ ସାମିଲ କରି ବିଜେପିକୁ ସରକାର ଗଢ଼ିବାରୁ ରୋକିବା ପାଇଁ ଚେଷ୍ଟା କରୁଛି ବୋଲି ଜଣାପଡ଼ିଛି।

ମେ’ ୧୯ରେ ସପ୍ତମ ତଥା ଅନ୍ତିମ ପର୍ଯ୍ୟାୟ ନିର୍ବାଚନ ପରେ ବିଜେପି ବିରୋଧୀ ଦଳ ଗୁଡ଼ିକ ଦିଲ୍ଲୀରେ ଏକ ବୈଠକ କରିବେ ବୋଲି ସୂଚନା ମିଳିଛି। ଏମିତିକି ଏହି ବୈଠକକୁ ବିହାର ମୁଖ୍ୟମନ୍ତ୍ରୀ ତଥା ଜେଡିୟୁ ସୁପ୍ରିମୋ ନୀତୀଶ କୁମାରଙ୍କୁ ବି ଡକାଯାଇପାରେ ବୋଲି ଯୋଜନା ରହିଛି। ସୂଚନାଯୋଗ୍ୟ, ନୀତୀଶ ଏବେ ଏନ୍‌ଡିଏରେ ସାମିଲ ଅଛନ୍ତି।

Related Articles

error: Content is protected !!
Close